ودي اموت اليوم واعيش باكر
واشوف منهو بعد موتي فقدني
ومنهو حملني لين ذيك المقابر
واشكر أنا كل من كرمني ودفني
وبشوف يرثيني انا كم شاعر ؟
ومنهو تركني وماكتب شي عني
شخص ٍ تعنى لي مع انه مسافر
وشخصٍ قريبٍ وأنا ميت طعني
وشخص يمثل دمعته ماهو قادر
وشخص تطيح دموعه كل ماذكرني
ومنهو من أهلي في العزا كان حاضر
ومنهو دعا لي في صلاته ورحمني
ومنهوبنى باسمي سبيل ومنابر
ومنهو يفز قلبه إلا من لمحني
ومنهو عشاني طول الأيام ساهر
ومنهو ثلاث أيام راح وتركني
ومنهو يرتب غرفتي والدفاتر
وإن شاف صورة لي مات وحضني
يالله عسى ماتغفى كل المشاعر
ويالله عسى ماينصدم يوم ظني
خايف يروح العمر وأكون خاسر
وإن طار طيري مايفيد التمني
وخايف يجني وقت أكسر خواطر
إن دارت الدنيا وزماني كسرني
ومدام هذي الدنيا صارت مظاهر
وكل من على كيفه وجوّه يغني
صحيح مسلم لكن الهم كافر
كل مابغيت اضحك يهددني حزني
الضيف وافي والحزن حيل وافر
والجرح اكثر شي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني ياحزني آمر
مسكين فرحي تصدق أنه وحشني
شاعر ولكني ماني بشاعر
ودي أموت اليوم وارتاح مني

ان شاء الله يعجبكم

تقبلو تحياتــــــــــــــــــــــــــــــي/ "جريح المحبه"

تبي الصراحه اعجبني بالحيل
الله يستر عليك ولك مني أجمل تحية
مشكور على هذا الموضوع وللأمـــــــام
ارجوا ان تقبل مروري وشكرا..

مشكوووووور اخوي وصديقي

ورفيق دربي (عشق مغربي)

اعجبني مرووورك الراااااائع

ولك مني اجمل تحيه محمله بعطر

زهور الياسمين

شكر اااا لك أخي جريح المحبة

كلام جميل ومؤثر ألف شكررر لك

وتقبل مررورري

إن اختيار الكلمات الرائعة .. له فنّه

وقليل .. من يجيدون الاختيار

جريح المحبة ..

إنت لديكِ ذلك الحس الأدبي المرهف

الذي طالما أمتعنا بحسن وجمال .. الطرح

تقبل .. كل التقدير والاحترام

مشكورين اخوتي على مروركم الجميل

واشكرك اخي سعودي مجنون على دعمك الرااائع لي

وهذا يدل على طيبت قلبك وحبك لأعضاء هذا المنتدى

اشكرك من كل قلبي وشرفني إطلاعك على موضوعي