ابد والله سمعت بطاري عيونك وجيت أغليك..
يقول القلب سلم لي عليه ويطلب
وصالك..

نسى الدنيا ومافيها وجا
ينشد عن احوالك..

حبيبي جيت لمصافح مواعيد
الفرح بيديك
وجيت اعطي يمينك غلا
ماتدري به شمالك

اشوفك واسمعك قبل اعرفك واشتاقلك وابيك
واحس آمال عمري من
عرفتك تشبه آمالك

انا ماعشت قبل اعيش باحساسك وقبل اجيك
حبيبي جيتك بقلبي ولو
ماجيت لك جالك

احاسيسي كريمه وانت
تستاهل كرم غاليك
ترى لو ماأشرقت شمسك وصل
رحت اتبع ظلالك

يقولون العرب دارن بلا
مغليك ماتغريك
واقول انك بليا حب كنك
عايش لحالك

انا لا جيت اسولف عن شعوري
قمت اسولف فيك
وانا ادري رغم كل الشوق
مامريت في بالك

انا لو ماتذكرتك غلا جاب
الغلا طاريك
تعيش وتسلم لقلب على كف
الغلا شالك

اطالع وجهك المشرق امل
وعيوني تناديك
واقول الله ثم الله لايحرمني
وصالك..

مشكور اخي ابو عبدالكريم
كلامات رائعه وجميله جدا