يابـوي جعلـگ للبقـا والمگاسيـب


عمري بدونگ يالذرا ويش أبـي بـه




يابوي تسأل عـن شفـاگ المراقيـب


طلعـة سواتـگ للنّوايـف غريـبـه




ليه المرض مايعرف الزّين والعيـب ؟


مايـدري انـگ للمخاليـق هيبـه !!



أبسألگ وش به غزا وجهـگ الشيـب


والقلـب لايـع والنواظـر شحيـبـه




وش بگ تحاتي لانوى الموت تغريـب


تخشـى علينـا بالليّالـي الگئيـبـه




خذ دلّتگ وارگى على مسنـد الجيـب


وعطني شماغگ بلثمه وأحتمـي بـه




ونروّح لأرض ٍ بها العشب والطيـب


وتسمع گـلام ٍ يالغـلا تحتفـي بـه




يابـوي بنتـگ لاانحگـى بالتّجاريـب


كل ٍ يشـق لهيبـه الصّيـت جيبـه




يابوي ماني من سـوات المخاريـب


اللّـي تجيـب لعليَـة القـوم خيبـه




وماني من اللّي لامشت حفّها الرّيـب


أنـا مـن اللّـي مايدنّـس حليـبـه




مرفوع شاني عـن غـرام المگاتيـب


وأگبر من انّنـي أرتضـي بالحبيبـه




أنـا غرامـي لاابتـدوا بالتّراحـيـب


نفوس الأوادم فـي وجـودي رحيبـه




وان گان زينـي فتنـة ٍ للمصاويـب


أحـط وجهـي بالحريـق ولهيـبـه




زيني أبيعه وأشتري سمعـه الطّيـب


اسم ٍ ينومس بالصّـروح الـذ ّهيبـه




وان گان عندي ( بالحلا ) شي ٍ اصعيب


عنـدي جـدود ٍ مارضـت بالغليبـه




دموع القبايـل فـي لقانـا مساكيـب


گـن المقابـر لاحضـرنـا قريـبـه




خضّبت لگ گفّي من العـز تخضيـب


ورفعـت راسـي للنّجـوم الصّعيبـه




والله لأسـدّگ بالفعـول المصالـيـب


والله لأشيلـگ بالرخـا والمصيـبـه




طلع المعالـي ماانحگـم للشّواريـب


بنت ٍ وأناطح فـارس القـوم طيبـه




وياشيخي إبشـر لوتـدور الدّواليـب


بنتگ إلا منّه عـوى الذّيـب ( ذيبـه )

‏مشكووور يابوي على القصيدة
الرائعة وتقبل مررورري

العفو اخوي ابو عبدالكريم

واسعدني مرورك

الله يوفقك ياخوي

شكرا اخوي على الموضوع

وتقبل تحياتي,,,,,,,,,,,

العفو يا اخوتي

وفقكم الله ومشكورين عللى

الردود المميزه تقبلوا تحياتي

مشكور على هذه القصيدة الرائعة
موضوع جميل جداً مشكوووووووور

لك مني تحياتي
من القلب الى القلب